Беларуская паэзія

Вершы на беларускай мове



Верш Подыхі восені



Подыхі восені…
*****************************
Першыя подыхі восені –
Золкія ночы і раніцы.
Сонейка ўсмешкі апошнія.
Хмары гуртамі збіраюцца.

Ціха злятае ў мінулае
Жоўтае лісце, чырвонае.
Сэрца знянацку кальнула
Штосьці да болю знаёмае…

Першыя подыхі восені
Ў кроплях расы павуцінкаю.
Летняе ранне дзівоснае
Сонечнай песціць хвілінкаю…
30.08 – 2015 г.

1 Star2 Stars3 Stars4 Stars5 Stars (No Ratings Yet)
Loading...

Верш Подыхі восені - Лёля Багдановіч