Беларуская паэзія

Вершы на беларускай мове






Верш Пахнуць промнямі пажоўклыя старонкі

Пахнуць промнямі пажоўклыя старонкі,
Між якімі кветкі і палын
Пальцамі танклявымі ў пярсьцёнках
Прыхаваныя ад плётак на ўспамін.

Томік чый – Міцкевіч ці Пэтрарка?
Ды санэтам не засьцерагчы
Ад альтанкі, апусьцелай на сьвітанку
Па мінулае фіялкавай начы.

Котка ў крэсьле позірк касавурыць.
Новы дзень без асаблівых зьмен.
П’е самотна засьцянковая Лаура
На тэрасе па-над кнігаю абсэнт.

1 Star2 Stars3 Stars4 Stars5 Stars (1 votes, average: 5,00 out of 5)

Верш Пахнуць промнямі пажоўклыя старонкі - Зьміцер Захарэвіч