Беларуская паэзія

Вершы на беларускай мове



Верш КАХАННЕ – НЕ ЛЮБОЎ

Сладку ягоду рвали вместе…
(з песні)

Салодкіх ягад прыгаршчамі рваў,
Карміў з зайздросным смехам напаследак.
Няўжо ты, любы, ўсё мне дараваў?
Што я зрабіла дрэннага?
Каб ведаць.

У разнатраўі шчасце піў да дна,
Кідаў у ногі зоркі з небасхілу.
Няўжо ты ўсё мне дараваў спаўна?
А я не маю літасці?
Мой мілы?

У ноч Купальскую, бясстрашная, з табой
Шукала кветку-папараць да ранку.
Чаму сказаў: “Каханне – не любоў!”
Якою страснай я…
была б каханкай…

Пагорклі ягады, і восень з жоўтых траў
Спляла надзіва яркую тканіну.
Няўжо ты, любы, ўсё мне дараваў?
Не зразумела што я?
Мой адзіны?

1 Star2 Stars3 Stars4 Stars5 Stars (No Ratings Yet)
Loading...

Верш КАХАННЕ – НЕ ЛЮБОЎ - Вера Буланда