Беларуская паэзія

Вершы на беларускай мове



Верш ПЕСНЯ П’ЯНіЦЫ

(паводле народнага)

Цэлы дзень піў у нядзелю,
Спраўдзіўшы сваю надзею.

І дажыўшы панядзелка,
На пахмелле п’ю гарэлку.

Сціснуў зерня кіло сорак,
Вып’ю добра і ў аўторак.

Воз загнаў на бок саломы,
Вып’ю ў сераду, вядома.

Сплавіў дошкі з піларамы,
У чацвер глыну таксама.

На мяшок мукі злаўчуся,
Добра ў пятніцу нап’юся.

Рана змыюся з работы,
Ладна смактану ў суботу.

Маю цвёрдую надзею
Прыгубіць яшчэ ў нядзелю.

Тыдзень п’ю – другі хварэю,
Дрыхну ў ложку і гавею.

А надзею не губляю,
Што бальнічны атрымаю.

18.07.1976

1 Star2 Stars3 Stars4 Stars5 Stars (1 votes, average: 5.00 out of 5)

Верш ПЕСНЯ П’ЯНіЦЫ - Васіль Голуб