Беларуская паэзія

Вершы на беларускай мове






Верш Плошча

Адчуваю: за мной са зброяй ідзе цень.
Доўгі, насуплены, змрочны…
З цягам часу хаваецца ў Дзень,
Нібы апошні бяглянак на Плошчы…

Ты адчуваеш боль, за табой што бяжыць.
Доўгі, апрануты ў форму вайскоўца.
Адчуваеш, як сняжынка ў далонях трымціць
Светам пакінутай Плошчы.

Што бо за грукат насупраць будынкаў?
Спаць! – загадалі сцямнёныя вочы вакон.
Ціха паўзе самота ў натоўпе – нязвыкла
Нібыта ўваходзіць Плошча у Скон.

Мы адчуваем подых натоўпу ціха-застылага.
Ценю крысо, Змрок Болю, і Ноч.
Сэрца спявае. Слязьмі. Бел-чырвонымі крыламі
Шэпча мароз: з Плошчы кроч….

1 Star2 Stars3 Stars4 Stars5 Stars (1 votes, average: 5,00 out of 5)

Верш Плошча - Павел Гаспадыніч