Беларуская паэзія

Вершы на беларускай мове



Верш Сакавіцкія воды

Люблю сакавіцкія воды –
Вірлівыя сокі вясны.
Як вены жывыя прыроды,
Зямлю напаўняюць яны.

Набракне зямля сакавіцай.
І раптам, парой маладой,
Снег, быццам гаючай жывіцай,
Рванецца на волю вадой.

І змыецца ўсё, што балела
Скаванаму целу зямлі.
Адродзяцца нанава смела,
Як першынец, глянуць палі.

А воды, вясеннія воды
Не змоўкнуць –
Свой знойдуць працяг:
Прыроды жаданыя роды
Узыдуць пралескай жыцця.

1 Star2 Stars3 Stars4 Stars5 Stars (1 votes, average: 5,00 out of 5)

Верш Сакавіцкія воды - Ніна Аксёнчык