Беларуская паэзія

Вершы на беларускай мове



Верш Адвыкаю ад цябе

Адвыкаю ад цябе.
Сьмех і голас забываю.
І надзей ужо ня маю
Лашчыцца ў тваім цяпле.

Адвыкаю ад цябе.
Сэрца поўніцца адчаем.
І бяссоннымі начамі
Быццам кот душу скрабе.

Я аб цудзе не малю.
Папіваю моўчкі каву.
Невясёлая забава –
Чорную самоту п’ю.

Адвыкаю. Мілы сон
Ўсё радзей у фарбах бачу.
Не сьмяюся і ня плачу,
Перайшоўшы Рубікон.

1 Star2 Stars3 Stars4 Stars5 Stars (No Ratings Yet)
Loading...

Верш Адвыкаю ад цябе - Алесь Наркевіч