Беларуская паэзія

Вершы на беларускай мове



Верш Маладыя крылы

Маладыя крылы
Курсантам авіяфакультэта Ваеннай акадэміі Рэспублікі Беларусь прысвячаецца

Вучэбным вылетам надвор’е
спрыяе – і дзяньком пагодным
на Лідскім на аэрадроме
лётную практыку праходзім.

Л-39 у шарэнзе.
Колеры сцяга ў эскадрыллі.
У самалёты ўсе залезем.
Пакуль прасцяг не пакарылі.

Аэрадром заўжды адкрыты
вятрам, рамантыцы паветра.
Курсанты ў маладыя крылы
за спінамі ў “буслах” павераць.

У шум маторны самалётаў
укліньваемся галасамі
і з хваляваннем, з асалодай
упершыню ўзлятаем самі.

“Буслы” стальныя па нагрэтай
бетоннай паласе імчацца.
Палётаў інтэнсіўнасць летам
вялізная – лятаем часта.

Выконваем мы пілатажы,
выконваем кругі ў нябёсах…
Лунаць у высі ў сілах нашых.
Высь сіняя – у нашых лёсах.

Палётам летняе надвор’е
спрыяе – і дзяньком пагодным
на Лідскім на аэрадроме
лётную практыку праходзім.

1 Star2 Stars3 Stars4 Stars5 Stars (No Ratings Yet)
Loading...

Верш Маладыя крылы - Алесь Мацулевіч