Беларуская паэзія

Вершы на беларускай мове



Верш Беларусь мая родная

Беларусь мая родная, Маці-зямля!
Да вытокаў тваіх жыватворных крыніцаў
Мне б прыпасці, нібы да грудзей немаўля –
Прад табой спавядацца, табе пакланіцца.

Да цябе белакрылаю птушкай ляцець
Праз палеткі, лясы і нябёсаў бяздонне,
Каб сыноўскае сэрца любоўю сагрэць
У ласкавых тваіх і пяшчотных далонях.

Беларусь мая родная – праўды зямля.
Я старэю, а ты, як заўжды, маладая.
Скрозь вякі пралятаючы, песня твая
Міраносіцай мудрай народы яднае.

Расцвітай і да шчасця вядзі за сабой
Сваіх верных сыноў працавітыя раці.
Маё сэрца навек застанецца з табой,
Мая Белая Русь. Мая родная маці.

1 Star2 Stars3 Stars4 Stars5 Stars (No Ratings Yet)
Loading...

Верш Беларусь мая родная - Алесь Казека