Беларуская паэзія

Вершы на беларускай мове



Верш Мой родны куточак

Вітаю цябе, мой радзіны куточак,
Старэнькая хата, вішнёвы садочак,
Ігруша ля ганку ўся ў квецені белай,
Калодзеж з драўляным зрубам замшэлым
Вітаю цябе, мой родны гасцінец,
Зарос ты з гадамі травой нелюдзімец.
Дзяцінства маё па табе прабягала,
Хвіліны яго памяць мне нагадала…
Калі на імгненне закрыю я вочы –
Матуля з вядром да калодзежа крочыць,
Яшчэ маладая ў пяшчонай красе
Ступае па ранняй гаючай расе.
Хвалюючы смутак агорне мне сэрца.
Здаецца, што ўчора было ўсё, здаецца…
Гады праляцелі бы птушкі над полем,
Не вернеш былога ніколі, ніколі.

1 Star2 Stars3 Stars4 Stars5 Stars (No Ratings Yet)
Loading...

Верш Мой родны куточак - Зінаіда Русак