Беларуская паэзія

Вершы на беларускай мове



Верш Чараўніца ноч

У марскім бяздонні
Гасіць ноч паходню сонца.
Цёплыя далоні
Распрасцерліся бясконца.
У залатыя зоркі
Таямнічы плашч расшыла,
Сонныя пагоркі
летуценнямі накрыла.

Ціха падыходзіць,
Пачынае чараўніцтва.
I неверагодным
Абяцае марам збыцца.
Растрывожыць сэрца
Зранку крохкасцю хрустальнай…
Толькі застанецца
Назаўжды непазнавальнай

Чараўніца-ноч..

1 Star2 Stars3 Stars4 Stars5 Stars (No Ratings Yet)
Loading...

Верш Чараўніца ноч - Жанна Левітан