Беларуская паэзія

Вершы на беларускай мове



Верш Адгукніцесь, мае касавіцы

Адгукніцесь, мае касавіцы,
Прывядзіце сенажные дні,
Па рыпучых, рыпучых масьніцах
Доўгай памяці годаў маіх.

Прывядзіце сяброў ад дзяцінства,
Ад юнацства – каханьне маё,
Прывядзіце палёгшае ніцма,
Як калосьсе за вострым сярпом.

Чую я: зьвініць касавіца,
Бачу я: бацькі мае йдуць,
Ад каханьня, юнацства, дзяцінства,
Нас яны, за сабою вядуць.
-06.11.16.

1 Star2 Stars3 Stars4 Stars5 Stars (1 votes, average: 5,00 out of 5)

Верш Адгукніцесь, мае касавіцы - Міхась Карцялёў