Беларуская паэзія

Вершы на беларускай мове




Верш Навошта гэта мітусня



Навошта гэта мітусня
і перавод у грошы часу,
калі нябёсаў вышыня
чакае ад вачэй адказу.

Навошта тлумам поўніць дні
і гучнасць блытаць з асалодай,
калі далоні цішыні
прыемнай гояць прахалодай.

Навошта жыць – і гараваць,
да зманлівых багоў імкнуцца,
калі душы да хараства
пашанцавала дакрануцца.





1 Star2 Stars3 Stars4 Stars5 Stars (No Ratings Yet)
Loading...

Верш Навошта гэта мітусня - Мікола Кандратаў