Беларуская паэзія

Вершы на беларускай мове





Верш Станоўчая дысграфія

Зьнямелі пальцы, поўны рот пяска,
Вось “дар аслу” ўручыў прабел “дарослы”.
Я “ахаю” па клявішах без “к”,
“Балюю”, не “балю” з адным галосным.

Так “с” – дугою выгнуты хамут –
Заменіць “смутак” мноствам новых “мутак”
“Адзінка” памяняе мне прысуд
І да “нуля” скароціць “10” сутак.

“Ліхтар” блішчыць, як рыбіны луска,
Гуляе сэнсам “літар” “кака” з “казкай”.
Ня будзе болей вострай “асака”,
А прыйдзе пажаданая ўсім “ласка”.

1 Star2 Stars3 Stars4 Stars5 Stars (1 votes, average: 5,00 out of 5)

Верш Станоўчая дысграфія - Канстанцін Путронак