Беларуская паэзія

Вершы на беларускай мове





Верш Аддзячыць поле табе

Аддзячыць поле табе, аддзячыць,
Ракою звонкай сваіх зярнят;
Яму вось толькі б адчуць і ўбачыць,
Што ты не знекуль, а з гэтых хат.

Што ты хадою не кінеш ценю,
Ў якім не ўзыдзе святло зямлі;
Што ты цяжкое збярэш каменне
З найсамай цвёрдай яго раллі.

Аддзячыць поле табе, аддзячыць,
Аддасць гарою калосны дар;
Яму вось толькі адчуць і ўбачыць,
Што ты не госць тут, а гаспадар!..

1 Star2 Stars3 Stars4 Stars5 Stars (1 votes, average: 5,00 out of 5)

Верш Аддзячыць поле табе - Алесь Жамойцін