Беларуская паэзія

Вершы на беларускай мове



Верш Сцёб. Садно ступні

Гэй маладзён, што сталася з табой?
Хто твой кумір, каго ты пераймаеш?
Учора рок быў за свабоду бой,
Ты ж сёння млосную ваніль лабаеш

Ўзгадай, як мы “Ішлі на абардаж”
Ўзгадай, што “Былі яны разам з намі”,
На кожны “Слухай бацьку” быў адказ:
“Нас дахалеры”, нам Радзіма “Убер але”

Там грукатаў Рэактар быццам смерч
Тут Ре:публік збірае хлопцаў у кедах
Там былі Крама, N. R. M і ZET
Тут еўрабачанні, дажынкі, Мінск-Арэна

Твая крывя ўскіпае ад саплёў
Akute кажа, што xачу я вочы
І за даляр шмат тысячаў рублёў,
Akute кажа: “Ты мяне не хочаш”

Нас павязе “Пасат універсал”
У “Светлы шлях”, твая ж “Крывя ўцякае”
Ты “Без білета” гонар змарнаваў
Ванілька, хіпстар, блудніца смяшная

Гэй маладзён, што сталася з табой?
Давай выходзь, узгадаем пра былое
Каб заўтра рок стаў за свабоду бой,
Каб воля зноўку стала лёсам, мрояй!

1 Star2 Stars3 Stars4 Stars5 Stars (1 votes, average: 5,00 out of 5)

Верш Сцёб. Садно ступні - Алесь Губін