Беларуская паэзія

Вершы на беларускай мове

Верш Вусны

Вусначкі, вусны! Мяне пацалуйце…
Вусначкі, вусны, – малінай гараць.
Жарсці сваёй для мяне не шкадуйце –
Я вас не буду зусім шкадаваць.

Будзеце заўтра, распухлыя вусны,
Вабіць мяне і саромецца зноў.
Я падкрадуся – таемна і хлусна,
Ды зацалую вас, вусны, без слоў.

Вусначкі, вусны! І вы пацалуйце,
Хай і мае, як маліна, гараць…
Жарсці сваёй для мяне не шкадуйце, –
Я вас не буду зусім шкадаваць!

1 Star2 Stars3 Stars4 Stars5 Stars (No Ratings Yet)
Loading...

Верш Вусны - Віктар Леаненя