Беларуская паэзія

Вершы на беларускай мове



Верш Начны птушыны плач

Не плач, птушка, уначы,
Давай лепей памаўчым.
Паглядзiм на вырай зорны,
Аксамiтны ён, не чорны.

Не стагнi, на сэрцы млосна,
Слёзы капаюць на кросны.
Там, у занябесных далях,
Знойдзем усё, што не шукалi.

Для цябе – цудоўны край,
Для мяне, магчыма, рай.
Млечным шляхам да нябёсаў,
Дзе бурштынам ззяюць росы.

На зямельку не вярнемся,
Памiж зорак застанемся.
Што нам грэшная зямля –
Цябе шчаслiвай зраблю я.

Не плач, птушка, уначы,
Давай лепей памаўчым.
Стогн не даляцiць да неба,
Жоўты месяц лустай хлеба.

Сяржук Жменя, 24.04.2014

1 Star2 Stars3 Stars4 Stars5 Stars (1 votes, average: 5,00 out of 5)

Верш Начны птушыны плач - Сяржук Жменя