Беларуская паэзія

Вершы на беларускай мове



Верш Колькі развялося

Колькі развялося ў Беларусі роднай
Байструкоў няўдзячных, погані бязроднай.
Хоць ядуць нямала нашай солі-хлеба,
Топчуць зямлю нашу, копцяць наша неба,

Ды сваю старонку граззю абліваюць
І народ свой кроўны ўсяк знеслаўляюць.
Свая мова, песні ім зусім нялюбы,
І яны ўсё робяць дзеля нашай згубы.

Чуюць-знаюць гады, што ім патураюць
І што іх за гэта добра надзяляюць.
Але мы ім скажам на іх спрыт нялюдскі:
“Нас душылі Гітлер, Сталін і Пілсудскі.

Калі ж мы жывымі выйшлі з лап ільвіных,
То не нам баяцца капытоў асліных!”

1 Star2 Stars3 Stars4 Stars5 Stars (1 votes, average: 5,00 out of 5)

Верш Колькі развялося - Мікола Ермаловіч