Беларуская паэзія

Вершы на беларускай мове



Верш Днем і ноччу хварэе душа

Днем і ноччу хварэе душа:
І вачыма блакітнымі маці,
Спелым яблыкам з тога каша,
Што на лаўцы стаіць у роднай хаце.

І густым, быццам мед, туманом,
І ля вокан рабінавым ценем,
Непаседай вятром-летуном,
Навяваючым сум-летуценне.

Я апоена зеллем вясны
І сяброўствам бярозкі-падлетка.
Па начах бачу тыя усе сны,
Басанож колісь бегала ўлетку.

Усе да болю так дорага мне,
Усім хварэе душа, стогне, енчыць.
Сагравае ў сцюжу мяне
Знак жыцця-майго сэрца агеньчык.

1 Star2 Stars3 Stars4 Stars5 Stars (1 votes, average: 5,00 out of 5)

Верш Днем і ноччу хварэе душа - Валянціна Владава