Беларуская паэзія

Вершы на беларускай мове





Верш Яшчэ бацькоўскі зруб жыве

Яшчэ бацькоўскі зруб жыве,
I шашаль точыць столь і сцены…
Яшчэ карова у хляве
Жвакуе сон начны нязменна…

Яшчэ хусцінка у акне
Пільнуе сынаву усмешку…
Яшчэ даспелены ранет
Цалуе знічку над узмежкам…

Яшчэ вада у студні ёсць,
Яшчэ сябруе комін з дымам…
Я тут, прызнаюся, – не госць,
А твой атожылак, Радзіма!

1 Star2 Stars3 Stars4 Stars5 Stars (1 votes, average: 5,00 out of 5)

Верш Яшчэ бацькоўскі зруб жыве - Кастусь Цыбульскі