Беларуская паэзія

Вершы на беларускай мове



Верш Сніцца родная вёска

Там, дзе сосны спяваюць
Песні белым бярозкам,
Там спрадвеку стаіць
Мая родная вёска.

Я не ведаю болей
Месца лешага ў свеце,
На вялікай, блакітнай,
На нашай планеце.

І як толькі куды
Ад цябе ад’язджаю,
То ў душы аніколі
Я спакою не маю.

Сніцца родная вёска,
Хата бацькава з краю,
На паляне суніцы,
Цiш зялёнага гаю.

Каля самай сцяжынкі
Б’е з-пад вербаў крыніца,
Крышталёвы струменьчык
У праменях іскрыцца.

Хто цябе, Беларусь,
Назаўжды пакідае,
Той нічога святога
Ў сваім сэрцы не мае.

Хай на родных палетках
Ніва мірная спее.
Беларусь – мая кветка,
Яшчэ больш расквітнее!

1 Star2 Stars3 Stars4 Stars5 Stars (No Ratings Yet)
Loading...

Верш Сніцца родная вёска - Антаніна Рыбалка