Беларуская паэзія

Вершы на беларускай мове



Верш Колас і Янка Купала

Дзесці зязюля гукала:
“Таленту колькі адмерыць
Коласу з Янкай Купалай? –
Майце бязконцую меру”.

Волаты роднай старонкі –
Мовы матулінай хаты,
Ціха спявайце ці звонка,
Песні падхопяць дзяўчаты.

Мо пра Сымона – музыку,
Як ён зайграе на скрыпцы:
Ўсе, хто малы, хто вялікі
Таленту будуць дзівіцца.

Ці пра ільва магілу
Сумную песню прапойце.
Спіць закаханы асілак,
Думкі яго супакойце.

Дзіўныя, гучныя вершы
Мусіць вам зорка паслала.
Першыя ў шэрагу першых –
Колас і Янка Купала.

30.05.2012

1 Star2 Stars3 Stars4 Stars5 Stars (No Ratings Yet)
Loading...

Верш Колас і Янка Купала - Віктар Любецкі