Беларуская паэзія

Вершы на беларускай мове



Верш Гімн клуба творчых берасцейцаў

Між дрэваў зялёных, балотаў і рэк
Узвысіўся родны наш горад,
Тут творчы спрадвеку жыве чалавек,
Прайшоў ён скрозь боль і скрозь гора.

Тут музыка вечна прыгожа гучыць,
На сценах мастацтва выявы,
Тут песня да неба, да птушак ляціць,
Паўсюль тут карціны, выставы.

Берасцейцы, берасцейцы,
Самы творчы наш народ,
Берасцейцы, берасцейцы,
Берасцейскі карагод.

Вялікая воля тутэйшых бацькоў
Вітае тут славу Радзіме,
І сёння, і заўтра, і з першых вякоў
Наш горад ляціць разам з імі.

У сэрцах, у душах трымайце руку,
Трымайце вы подых наш чысты,
Вітаем мы ўсіх тут на нашым вяку,
Спявайце наш гімн урачысты…

Берасцейцы, берасцейцы,
Подых творчасці ў крыві,
Берасцейцы, берасцейцы,
Родны горад наш, жыві!

Тут песні, тут вершы, паданні жывуць,
Жыццё, як народная казка.
Тут музы ў паветры над намі плывуць,
Плывіце да ўсіх, калі ласка…

Берасцейцы, берасцейцы,
Подых творчасці ў крыві,
Берасцейцы, берасцейцы,
Родны горад наш, жыві!

1 Star2 Stars3 Stars4 Stars5 Stars (1 votes, average: 5,00 out of 5)

Верш Гімн клуба творчых берасцейцаў - Кірыл Азімка