Беларуская паэзія

Вершы на беларускай мове





Верш БАЛАДА АБ ТАПОЛЯХ

Шчыльна таполі
шлях абступілі –
яшчэ пры Польшчы
іх пасадзілі.

Дружна віталі
кожнага ўчора.
і не чакалі:
“Звесці пад корань!..”

Ім прыгаворы
аж да змяркання
людзі прыводзяць
у выкананне.

Здзіўлена ў стоме
раскінуўшы голле,
з трэскам і стогнам
валяцца ў поле.

Не абароняць
іх доўгія косы
зімовай дарогі
ад снежных заносаў.

І не ўратуюць
ад летняй спякоты,
не зачаруюць
гамонкай лістоты…

Каб не гадалі
аб долі журботнай, –
усім павязалі
белы пояс
смяротны.

1 Star2 Stars3 Stars4 Stars5 Stars (1 votes, average: 5,00 out of 5)

Верш БАЛАДА АБ ТАПОЛЯХ - Мікола Кандратаў