Беларуская паэзія

Вершы на беларускай мове



Верш І будзе тое

…і будзе тое,
што будзе…
і ПРЫЙДЗЕ ТОЕ,
што стане.

І вершам
ляжа дарога –
у надзею,
пяшчоту,
растанне.

Мелодыяй до дыезу –
самотна і грацыёзна –
заплача галінка бэзу,
стуліўшы свае пялёсткі,

І тое, што па-за смехам
і стогнам, па-за лістамі –
абудзіцца даўнім рэхам, –
пяшчотным і дзіўным рэхам –

І –
ЯВАЮ
ЎРЭШЦЕ
СТАНЕ!…

1 Star2 Stars3 Stars4 Stars5 Stars (No Ratings Yet)
Loading...

Верш І будзе тое - Ангеліна Дабравольская