Беларуская паэзія

Вершы на беларускай мове



Верш Віктару Сырыцу, старшыні Баранавіцкай гарадской Рады Таварыства беларускай мовы

Віктару Сырыцу,
старшыні Баранавіцкай гарадской Рады
Таварыства беларускай мовы

На сход, на ўсенародны, грозны, бурны сход
Ідзі, аграблены, закованы народ!
Янка Купала “На сход!”

Эх, сябра Вітусь, летуценнік,
хацеў сабраць народны сход!..
А дзе ж народ? Ёсць “население” –
яно без мовы – не народ.

Меў суд і штраф ты ад “смотрящих”,
каб нават пікнуць люд не змог.
Ды не скарыўся, не злядашчаў.
Дух беларускі – перамог!

Хоць ведаў вынік да пачатку,
ды, ахвяруючы сабой,
ты смела кінуў злу пальчатку,
бо ты – народ, бо ты – герой!

1 Star2 Stars3 Stars4 Stars5 Stars (1 votes, average: 5,00 out of 5)

Верш Віктару Сырыцу, старшыні Баранавіцкай гарадской Рады Таварыства беларускай мовы - Алесь Бакач
 »