Беларуская паэзія

Вершы на беларускай мове



Верш Лес, маўклівы ты мой субяседнік

Лес, маўклівы ты мой субяседнік,
Я вярнейшых не знаю сяброў,
Абагрэты праменнем вясеннім,
Ты – бядняк з беднякоў.

Ды не гэтым мне сэрца лагодзіш,
А за тое ты мне дарагі,
Што ты з торбай па свеце не ходзіш
I не лезеш ніколі ў даўгі.

Пераб’ешся вясною смаржкамі,
Покуль з моху не лезуць грыбы.
Мо таму і жывеш ты вякамі,
Што нікому ты зла не зрабіў.

He бярэш ты чужога ні знічкі,
Дабрату людзі знаюць тваю.
Чарнатою палянак чарнічных
He запляміш ты славу сваю.

1 Star2 Stars3 Stars4 Stars5 Stars (1 votes, average: 5,00 out of 5)

Верш Лес, маўклівы ты мой субяседнік - Юрась Свiрка