Беларуская паэзія

Вершы на беларускай мове



Верш Без перакосаў вельмі цяжка

Без перакосаў вельмі цяжка,
Без перакосаў – аніяк!
I як куратнік наша хатка,
Дзе ўсё – касяк-перакасяк.

Нядоўга пляскалі мы ў ладкі,
Цяпер разгневана плюём
На сцены нашай беднай хаткі,
Дзе мы жылі і дзе жывём.

Нас многа, смелых і разумных,
Дык, можа, скеміць нам пара,
Што час настаў у гэтым тлуме
Змяніць свайго гаспадара.

Ды, мусіць, доўга нам таптацца,
Глядзець адзін другому ў твар…
Скажыце мне, хто ў нашай хатцы,
Хто ў нашай хатцы Гаспадар?

1 Star2 Stars3 Stars4 Stars5 Stars (1 votes, average: 5,00 out of 5)

Верш Без перакосаў вельмі цяжка - Янусь Малец