Беларуская паэзія

Вершы на беларускай мове


Верш ЗА “ПАГОДУ” Ў ХАЦЕ

Тост
Сястрычцы Надзі
і яе мужу Аляксандру

У дзень народзін каб сказаць
Сапраўднае для тоста слова,
Мінуласць з вечнасцю звязаць
І быць прамоўцам адмысловым,

Напэўна, неабходна стаць
На шлях, што зведаў імяніннік,
Ці вельмі шчыра прыгадаць
Прыгожы міг, калі гадзіннік

Шчасліва стрэлкамі злучыў
Сястру маю з аднавяскоўцам…
Каму ўдалося памагчы –
Ці Зоі, Надзінай сяброўцы,

Ці свёкру, што ўпадабаў
Наперад слаўную нявестку,
Ці то пачуццяў барацьба
Звязала назаўсёды ўлетку?

З тае пары, як бачыць Бог,
Стаў сваяком Арлоўскі Саша,
Яго кватэра і пірог,
І соль, і хлеб – таксама нашы.

Прыгожы, шчыры працаўнік,
Гасцінны гаспадар і бацька.
Што год яго народзін – Бык,
То гэта нават добра, Надзька.

Упарта ранкам устае,
Каб паспяшыць хутчэй на працу,
І каву ў ложак падае
Настойліва. Як адмаўляцца?

Яго духоўны бачым рост,
Ў вачах сястры чытаем шчасце.
За гэта прамаўляем тост
І за “Пагоду” ў вашай хаце.

Верш ЗА “ПАГОДУ” Ў ХАЦЕ