Беларуская паэзія

Вершы на беларускай мове



Верш У ЖАНОЧЫ ДЗЕНЬ

Чаму расцвітаюць коцікі
І пасылае прамень
У вочы жаночыя чорцікаў?
Таму, што прыйшоў іх дзень.

Мужчыны хоць раз у клопатах –
Сур’ёзныя складкі між броў.
У большасці мала вопыту –
Не наламаюць дроў.

Устануць раніцай першыя,
Заўважаць каханых красу,
І кветкі самыя лепшыя
У гэты дзень прынясуць.

“Стварэнню доўгавалосаму”
Дакажуць умельства ва ўсім:
Напішуць вершыкі ўзнёслыя,
Аплацяць праезд на таксі.

Дагледзяць дзяцей і справяцца
Яны са святочным сталом…
Хай мары жанчын збываюцца
І прыйдуць у кожны дом.

1 Star2 Stars3 Stars4 Stars5 Stars (No Ratings Yet)
Loading...

Верш У ЖАНОЧЫ ДЗЕНЬ - Вера Буланда