Беларуская паэзія

Вершы на беларускай мове



Верш Са мною нешта адбылося

Са мною нешта адбылося
Як сорак год мiнула мне
Як птушка, сэрца узнялося
Як быў я ў роднай старане

Я з вышынi зямлю пабачыў
I так яе я палюбiў
Што ўсiх людзей за ўсё прабачыў
Бо сам такiм, як людзi быў

У момант той нiбыта крылы
З’явiлiсь раптам за спiной
I лёд з душы зыйшоў, як крыгi
Што па рацэ iдуць вясной

I зразумеў я ўсё адразу
Спякоту, дождж i маразы
I ўсе дзiцячыя абразы
Змянiў ў душы на абразы

Кранаў то тое я, то гэта
Далёка ў думках вандраваў
I сутнасць новую паэта
Ў сабе, як дзiва, адчуваў

На ўсё я глянуў новым вокам
I новым вухам ўсё пачуў
I зараз ўсiм сказаць навокал
Я слова новае хачу

Мо, на сябе бяру замнога?
Не, я б такога не сказаў
Бо ад зямлi, самога Бога
Я блаславенне атрымаў

1 Star2 Stars3 Stars4 Stars5 Stars (1 votes, average: 5,00 out of 5)

Верш Са мною нешта адбылося - Уладзімер Гардзейка