Беларуская паэзія

Вершы на беларускай мове



Верш Зайшоў у краму неяк хлопчык

Зайшоў у краму неяк хлопчык
З вялікай шклянкай трохлітровай.
− Што пакупнік мой юны хоча?
− Наліце мёду маладога!

Тры літры мёду прадаўшчыца,
Хлапцу працягвае і чуе:
− За мёд за гэты расплаціцца
На тыдні бацька паспрабуе.

− Але ж, так нельга – каб без грошай!
Давай сюды! –
І мёд злівае.
Малец кідае шклянку ў кошык
І з крамы хуценька знікае.

На ганку нешта разглядае
І разважае, бы аб цудзе:
− Не хлусіў бацька – праўду баяў:
На пару луст намазаць будзе!

17.11.2010

1 Star2 Stars3 Stars4 Stars5 Stars (1 votes, average: 5,00 out of 5)

Верш Зайшоў у краму неяк хлопчык - Таццяна Дзям'янава