Беларуская паэзія

Вершы на беларускай мове



Верш Мана – не знік ты!

Мана – не знік ты!
Не! Ты тут, са мной!
Дасюль цябе
І бачу я, і чую!
Твой голас, лік твой
Днюе і начуе
Ўнутры мяне –
Ў сярэдзіне маёй!

Прастора хлусіць!
Як – цябе няма?
І як – ніколі
Болей не спаткаю?
Чаму ж на вуснах
Б’ецца, не сціхае
Самотным болем
Любае імя?!

Няпраўда гэта –
Што ў расстанні час
Нам раны лечыць,
Як сцвярджаюць людзі!
Хай ў гэтым свеце
Разам мы не будзем,
У тым, у лепшым –
Бог спалучыць нас!

11.07.2010

1 Star2 Stars3 Stars4 Stars5 Stars (1 votes, average: 5,00 out of 5)

Верш Мана – не знік ты! - Таццяна Дзям'янава