Беларуская паэзія

Вершы на беларускай мове



Верш Дзіця, паэт і маска

Дзіця яшчэ не знае стратаў.
Яно яшчэ не носіць маску.
Дзіця гуляе з рутай – мятай
І верыць самым лепшым казкам.

Дзіцячы свет такі багаты.
Такі ўражлівы і чысты.
Дзіця заўжды – персона грата,
Калі смяецца ўрачыста.

Дзіцячы позірк прасякае
Прасторы верай і пытаннем.
Дзіця не чула слова :”Каін”,-
Ёсць толькі Авель – адчуванне.

Дзіця не ведае пра маску,
Бо маска першая ёсць згуба.
Дзіця – анёл з вясёлай казкі,
Дзіця ўсіх на свеце любіць.

Дзіця пад сэрцам – гэта свята.
Вялікі цуд – дзіця на сэрцы.
Паэт – дзівак, мастак і ратай,
Паэт – дзіця да самай смерці.

20.07.2012

1 Star2 Stars3 Stars4 Stars5 Stars (No Ratings Yet)
Loading...

Верш Дзіця, паэт і маска - Салаўёва Наталля