Беларуская паэзія

Вершы на беларускай мове



Верш Першая – лепшая

(СШ № 1 г. Ашмяны)

Калыска-маці, школа наша ПЕРШАЯ!
Ты – першая па назве і ў быцці.
Хачу аддзячыць гэтым вершам я
За тое, што была ў маім жыцці.

Тут нас вучылі цуда-педагогі:
Арлоўская, Савіцкі, Цукерзіс…
Ты адкрывала нам шляхі-дарогі,
Ты акрыліла нас і узняла увысь.

Дзе б я ні быў,- заўсёды помніць буду
І першы клас, і першы школьны вальс,
І аднакласнікаў ніколі не забуду,
Але найбольш, мае настаўнікі,- ўсіх вас.

Цаню і помню Луню, Кісялёву,
Лясную, Фішкіна, Прыстром,
Аўчыннікава, Зенчанку, Шастову…
У гэтым радзе – Сідаровіч і Пятроў,

І Зыль, і Ральчык, Міхалкевіч,
Кастрыца, Верхаводка, Касюдэк,
І наш дырэктар – слынны Захаркевіч,-
Выдатны кіраўнік і добры чалавек.

Гады прайшлі. Мы ўсе даўно не дзеці,
І ў іншай школе я – дырэктар сам,
А ПЕРШУЮ, усё ж, лічу найлепшай ва ўсім свеце.
І кожны раз сюды прыходжу, як у Храм.

(1999).

1 Star2 Stars3 Stars4 Stars5 Stars (No Ratings Yet)
Loading...

Верш Першая – лепшая - Пётр Шакола