Беларуская паэзія

Вершы на беларускай мове



Верш Вы для мяне – хмель мройных траў

Вы для мяне – хмель мройных траў,
глыточак свежага паветра.
Гадамі ў сне я Вас чакаў
пад водбліск зор і подых ветру.

Я ўсё дарую, хоць у нас
сцяжынкі не сышліся разам.
Я так хачу убачыць Вас,
калі сумую змрочным часам.

Устану, пагляджу ў акно –
сняжынкі ў карагодзе кружаць…
А ўсё было не так даўно,
а сэрца тужыць, тужыць, тужыць.

1 Star2 Stars3 Stars4 Stars5 Stars (1 votes, average: 5,00 out of 5)

Верш Вы для мяне – хмель мройных траў - Пятро Чабор