Беларуская паэзія

Вершы на беларускай мове



Верш ЧЫСТЫ ВОБРАЗ

Нiчога дзiўнага няма:
Устану – зорам памалюся…
А за акном маiм зiма –
Бы белыя ўсё гусi!..

Снег белiзной запаланiў
i межы, i таможнi.
Снег чысцiнёй прастор ўкрыў –
Аж на душы трывожна…

Па першапутку санны след…
(Набожным станаўлюся.)
Я бласлаўляю белы свет
i светлы вобраз Беларусi!..

1 Star2 Stars3 Stars4 Stars5 Stars (1 votes, average: 5,00 out of 5)

Верш ЧЫСТЫ ВОБРАЗ - Міхась Курыла