Беларуская паэзія

Вершы на беларускай мове


Верш Затрымаўся на дрэўцы лісток

Затрымаўся на дрэўцы лісток.
Восень раптам прыйшла, спакваля.
Заінеў ушчэнт зазубраны бок,
Ды не хоча пакінуць галля.

Зачапіўся сцяблінкай, дрыжыць.
Што ж, вядома, – не вабіць зямля.
Хутка вецер няўзнак набяжыць
І бязлітасна вырве бруя.

Колькі гэтакіх, нават чый бок
Не зжаўцеў, альбо не заірдзеў
Вецер жорстка сарваў, не збярог,
І чарговы прынёс неспадзеў.

Не падняўся ніводзін назад.
І не важна, які меў зарок.
І ў жыцці ёсць пара – лістапад.
Ды прыходзіць заўжды незнарок.

Верш Затрымаўся на дрэўцы лісток