Беларуская паэзія

Вершы на беларускай мове



Верш Санэт. А хочаш – заставайся назаўсёды

А хочаш – заставайся назаўсёды!
Як цёплы пыл, як мягкі хлеб, як свет.
Так можа быць задумлена прыродай,
Як светлы незавершаны санэт.

Сыходзь у Рай – я не пускаю ў пекла.
Калі сыходзіш, то сыходзь у Рай.
Але прашу: пакуль душа аслепла,
Пакінь яе сярод птушыных зграй.

Я буду слухаць шоргат крыл і верыць,
Што побач ты, што ты анёлам стаў.
І буду цалаваць чужое пер’е,
Нібыта ты мяне не пакідаў.

О, дзякуй слепаце з такой нагоды!
А хочаш – заставайся назаўсёды.

1 Star2 Stars3 Stars4 Stars5 Stars (1 votes, average: 5,00 out of 5)

Верш Санэт. А хочаш – заставайся назаўсёды - Кацярына Глухоўская