Беларуская паэзія

Вершы на беларускай мове



Верш Насуперак

Калі небудзь адгукнецца,
Тое, што не заўважаў,
Што не мае сёння месца,
І ніколі не шукаў.

Як ішло, так адбылося.
Супраціву не было.
Прапановы не знайшлося
Супраць лёсу маяго.

У змаганні за каханне
Трэба шлях свой абіраць.
У ім адным усе жаданні.
Па за ім – чаго шукаць?

Лёду – розуму хапае
На зямлі і ў вышыні.
Шмат чаго магчыма раіць,
Калі вырашыў ісці.

Але здольна толькі сэрца
Абіраць і адмаўляць,
Безумоўна жыць, памерці,
І працягваць будаваць.

Толькі сэрца праз стагоддзі
Прымушае зноў і зноў
Сэрцы новыя даводзіць
У мясціны, дзе любоў!

Дзе калісьці ў ахвяру
Ўсім нашчадкам на зямлі
Аддавалася немала-
Збудаванае ў жыцці;

Што насуперак умовам,
Праз разбіты ўласны лёс,
Дасягнула безумоўна
І кранула Вас да слёз.

1 Star2 Stars3 Stars4 Stars5 Stars (1 votes, average: 5,00 out of 5)

Верш Насуперак - Франак Нырка