Беларуская паэзія

Вершы на беларускай мове



Верш Вярнуцца ў Плісу

У вечаровых туманах
Каровы з пашы йдуць на голас.
Гусьцее змрок. У сьветлых снах
Мястэчку сьняцца Вільня й Полацк.

Гудуць млыны, бы пчолаў рой,
І птушкі пралятаюць з крыкам
Па-над маленькаю царквой
І па-над возерам вялікім.

Тут час спыніўся. Не такі
Звычай і лад, правы й законы,
Мястэчка сьніць свае вякі,
Старых багоў, князёў імёны.

Нас лёс матляе па зямлі.
Малюся я – і ты маліся,
Каб мы прыйшлі, адкуль пайшлі,
Каб мы змаглі вярнуцца ў Плісу.

1 Star2 Stars3 Stars4 Stars5 Stars (1 votes, average: 5,00 out of 5)

Верш Вярнуцца ў Плісу - Антон Рудак