Беларуская паэзія

Вершы на беларускай мове



Верш Прыйшла… І супыніла часу рух

Прыйшла… І супыніла часу рух,
I зноўку абудзіла боль таемны,
Мне сэрца паланіла колам рук
I роем мараў-сноў невераемных.

I мы – з табою, сёння мы – адно,
Палоненыя слодыччу кахання.
П’яніць нас ноч, як пахкае віно,
I не дае заснуць ажно да рання.

Юнацтва… згадкі… малады наіў…
Ці калі-небудзь здолею забыцца,
Як прагна я з тваіх далоняў піў
Лятунак ночы?… I не мог напіцца?..

1 Star2 Stars3 Stars4 Stars5 Stars (No Ratings Yet)
Loading...

Верш Прыйшла… І супыніла часу рух - Анатоль Дэбіш