Верш За высокімі сценамі
За высокімі сценамі
На месцы цяперашняй Лідскай друкарні доўгі час знаходзілася турма, абнесеная высокімі сценамі.
За высокаю сцяною
быў гарадавы астрог.
З мімікаю ледзяною
твары наглядаць майстроў.
Тут рэвалюцыянераў
у зняволенні трымалі,
каб адвучваць ад манеры
царскі трон хістаць грамамі…
Пан наглядчык стаў, прыйшоўшы
(галава з прагалінкай).
Лідскую турму “пры Польшчы”
называлі Каменкай.
Справы з водарам махоркі,
камуніст, тут у цябе:
тут павешаны Манькоўскі
Міхаіл з КПЗБ.
Стачку арганізавалі,
правялі ў рабочы дзень –
забастоўшчыкі з “Ардаля”,
справы тут і вашы дрэнь…
Сцены і ў вайну стаялі,
выклікалі непрыязнасць:
тут фашысты расстралялі
пяцьдзясят яўрэяў-вязняў…
Стала для дзяцей-злачынцаў
Каменка калоніяй –
сталі працаваць, вучыцца
каланісты плённа ў ёй…
Час настаў – і сцены знеслі,
і друкарня тут цяпер.
Стрэнуць на ступеньках лесвіц
друкары, чытач, цябе.
Не турэмшчыкі па ўсходах
ходзяць тут, а друкары.
А наглядчык – пан у ботах –
прывід з даўняе пары.
(1 votes, average: 5,00 out of 5)