Беларуская паэзія

Вершы на беларускай мове



Верш Наркаман

У вачах празрысты, сіні лёд,
бярэш іглу і вось узлёт,
ляціш, туды, дзе сіні дым,
памрэш калісьці маладым.

Памрэш, а можа ўзляціш,
ці ведаеш, што замаўчыш,
калі накрые сіняй хваляй
і панясе к зламаным далям.

Крыштальны змей па жылах
з ігламі срэбнымі на крылах,
гуляе, дыхае агнём…
І ноч табе здаецца днём.

І вось аднойчы яд паспеў,
і сціх у вушах птушыны спеў,
цяпер ты там, дзе сіні дым,
памёр ты ўчора маладым.

1 Star2 Stars3 Stars4 Stars5 Stars (1 votes, average: 5,00 out of 5)

Верш Наркаман - Алесь Борскі