Беларуская паэзія

Вершы на беларускай мове



Верш СТАЛЁВАЯ РЫБА



Рыба губляе луску –
Сталь дамагаецца цела.
Па мэталёвым пяску
Рыба зьнямогла ляцела.

Чуеш – як скрыгат расьце,
Воды стаўбурацца ў гудзе?
Безьліч сьмяротных асьцей
Рэчцы патрапілі ў грудзі.

Бачыш – хвалюецца сталь,
Срэбныя воды ўскіпаюць?
Чайка і хлопчык-вудаль
Марна ратунку гукаюць.

На мэталёвым пяску
Сьлед пісягом застаецца.
Рыба, згубіўшы луску,
Блешняй сама абярнецца.



1 Star2 Stars3 Stars4 Stars5 Stars (No Ratings Yet)
Loading...

Верш СТАЛЁВАЯ РЫБА - Алесь Аркуш