Беларуская паэзія

Вершы на беларускай мове



Верш Запрашала восень

Запрашала восень да сябе на свята
Ды збірала восень ураджай багаты.
Тонкія карункі плёў павук маленькі,
Стракацела цудам яблынька-паненка.
У сям’і крылатай мітусня ды зборы.
На рабінках гронкі – яркія уборы.
Падарункаў колькі! – Кошыкі з грыбамі,
Хрумсткая капустка, дзежка з агуркамі,
Морквачка-князёўна ды збаночкі з мёдам-
Гэткае багацце са свайго гароду!
…Працавітым срэбны кубак падавала
У пакой шыкоўны дзверы адчыняла,
Частавала шчодра квасам з пірагамі
Мы яе гасціннасць адчувалі з вамі.

1 Star2 Stars3 Stars4 Stars5 Stars (1 votes, average: 5,00 out of 5)

Верш Запрашала восень - Алена Дзегцярова