Беларуская паэзія

Вершы на беларускай мове



Верш У нас лясная старана

У нас лясная старана –
Ласі прыходзяць у гароды,
I ад світання да цямна
Снуюць птушыныя чароды.

Буслы на ліпах гнёзды ўюць,
Гадуюць буслянят чубатых
I кожны год амаль нясуць
Праз коміны дзяцей у хаты.

Зямляк мой працаваць мастак
Сякерай, плугам і пілою
I лайдакоў не любіць так,
Як лес не любіць сухастою.

Нам давялося на вяку –
Навалы край наш не мінулі,
У кожным дрэве ці суку
Сядзяць заржаўленыя кулі.

Лес зелянее за акном.
Жыве народ у ім што трэба.
Ідзі да нас, як у свой дом,
А калі вораг – як у крэпасць!

1 Star2 Stars3 Stars4 Stars5 Stars (No Ratings Yet)
Loading...

Верш У нас лясная старана - Алег Салтук