Верш Новых змен!
Замест цяпла – зялёнае шкло,
Замест агню – дым,
З сеткі каляндару выхаплен дзень.
Чырвонае сонца спаліць святло,
Дзень дагарыць з ім,
На згараючы горад падае цень.
Новых змен! – сэрцы нашы крычаць.
Новых змен! – вочы нашы гараць.
У нашым смехе і ў нашых слязах,
І ў пульсацыі вен:
“Новых змен!
Чакаем мы новых змен!”
Электрычная лямпа працягне наш дзень,
І каробка запалак пуста,
Але сіняю кветкай на кухне гарыць газ.
Цыгарэты ў руках, гарбаты глыток – гэта схема праста,
І больш няма анічога, ўсё знаходзіцца ў нас.
Новых змен! – сэрцы нашы крычаць.
Новых змен! – вочы нашы гараць.
У нашым смехе і ў нашых слязах,
І ў пульсацыі вен:
“Новых змен!
Чакаем мы новых змен!”
Мы не можам хваліцца мудрасцю слоў
І вумелымі жэстамі рук,
Нам ня трэба ўсё гэта, каб сяброў разумець.
Цыгарэты ў руках, гарбаты глыток – так замыкаецца круг,
І раптоўна становіцца страшна нешта змяняць.
Новых змен! – сэрцы нашы крычаць.
Новых змен! – вочы нашы гараць.
У нашым смехе і ў нашых слязах,
І ў пульсацыі вен:
“Новых змен!
Чакаем мы новых змен!”
Пераклад песні Віктара Цоя
ліпень, 2011
(1 votes, average: 5,00 out of 5)